Torg eða grunnþjónusta? Mjóddin og Hlemmur Torg

Föstudagskvöldið 27. mars 2026 var útlit skiptistöðvarinnar í Mjódd með eftirfarandi hætti:

Reykjavíkurborg ber ábyrgð á rekstri skiptistöðvarinnar, meðal annars að þar sé fullnægjandi öryggisgæsla. Allar tillögur um aukna sýnilega öryggisgæslu á þessari stærstu skiptistöð landsins hafa verið svæfðar af hálfu meirihluta borgarstjórnar, undir forystu Samfylkingarinnar.

Hlemmur torg

Á meðan skiptistöðin í Mjódd er vanrækt hefur ekki vantað fjárfestingar af hálfu borgaryfirvalda í torgum í Miðborg Reykjavíkur.

Sem dæmi hefur tæplega 1.500 milljónum króna verið varið í framkvæmdir við Hlemmur torg, frá árinu 2017 til og með 30. september 2025.

Þessar kostnaðartölur eru fengnar með því að skoða verkstöðuskýrslur borgarinnar á hverjum tíma.

Varlega áætlað má reikna með að kostnaðurinn við þessa framkvæmd í dag, á föstu verðlagi í mars 2026, sé um það bil tveir milljarðar króna.

Borgarráð ákvað svo að gefa í og bæta við framkvæmdaþáttum við torgið, samanber 4. dagskrárlið fundargerðar borgarráðs frá lok febrúar 2026:

https://reykjavik.is/fundargerdir/borgarrad-fundur-nr-5815

Sem sagt, samþykkt var að fara í viðbótarframkvæmdir við Hlemmur Torg sem áætlað er að kosti um 1.200 milljónir króna, þar af sé beinn hlutur borgarinnar hálfur milljarður króna.

Nokkrar myndir af fyrirhugaðri framkvæmd á Hlemmur Torg:

Kjarni máls

Kjósendur í borgarstjórnarkosningunum Reykjavík í vor hafa val. Vilja þeir halda áfram á braut bruðls og óráðsíu eða vilja þeir að fjármunum og orku sé varið í að verja grunnþjónustu?

Skiptir meira máli að eyða milljörðum króna í torg í Miðborg Reykjavíkur eða verja grunnþjónustu á borð við þá sem er í Mjódd í Breiðholti?

Að strætófarþegar séu öruggir á stærstu skiptistöð landsins og geti liðið þar vel?

Eina leiðin til að tryggja breytingar á stjórn Reykjavíkurborgar er að ljá Miðflokknum atkvæði sitt, ellegar mun heilaþvottastöðin í Ráðhúsi Reykjavík halda áfram að malla í þágu dellumála vinstri-meirihlutans í borgarstjórn.